Bedam Shah Warsi

Ye Khusrawi-O-Shaukat-e-Shahana Mubarak

ye khusravi-o-shaukat-e-shahana mubarak

ye qasr ye khuddam ye kashana mubarak

maston ko mubarak dar-e-mai-khana ke sajde

mai-khana tujhe murshid-e-mai-khana mubarak

ai chashm-e-tamanna tiri ummid bar aae

uthta hai naqab-e-rukh-e-janana mubarak

bulbul ko mubarak ho hava-e-gul-o-gulshan

parvane ko soz-e-dil-e-parvana mubarak

lo uth gae sab jalva-gah-e-naz ke parde

nazzara-e-husn-e-rukh-e-janana mubarak

‘sarmad’ ko mubarak hon mai-e-saf ke saghar

‘bedam’ hamen durd-e-tah-e-paimana mubarak

More Poems

Leave a Comment