nasir-kazmi

Gham Hai Ya Khushi Hai Tu

gham hai ya khushi hai tu

meri zindagi hai tu

afaton ke daur men

chain ki ghadi hai tu

meri raat ka charagh

meri niind bhi hai tu

main khizan ki shaam huun

rut bahar ki hai tu

doston ke darmiyan

vajh-e-dosti hai tu

meri saari umr men

ek hi kami hai tu

main to vo nahin raha

haan magar vahi hai tu

‘nasir’ is dayar men

kitna ajnabi hai tu

More Poems

Leave a Comment