Maaham Shah
gham-e-janan gham-e-dauran bahut hain gham zamane men
magar jo gham ko apna.e bahut hain kam zamane men
ḳhud hi apna pata rakkho ḳhud hi apni ḳhabar rakkho
sabhi maddham sabhi batin sabhi mub.ham zamane men
main kis ko kya kahun ma.asum hain saare ba-zahir to
badal jaata hai lekin daf.atan mausam zamane men
karo va.ada ki tum aaoge is mahfil ko jaan dene
saja.enge kabhi jo dil ki mahfil ham zamane men
Leave a Reply