Darshan Singh
gham-e-hayat pe ḳhandan hain tere divane
ajiib sahab-e-irfan hain tere divane
har ek zarra-e-sahra hai a.ina-ḳhana
hujum-e-jalva se hairan hain tere divane divane
na apne hosh ki parva na apne dard ka fikr
gham-e-zamin se pareshan hain tere divane
kahan ye hosh ki auron ki zindagi pe hansen
ḳhud apne haal pe ḳhandan hain tere divane
hujum-e-ashk men chhalka rahe hain paimana
harif-e-gardish-e-dauran hain tere divane
bahar aate hi kya jaane un pe kya guzri
ki ḳhud se dast-o-gareban hain tere divane
kabhi to ik nigah-e-jan-navaz ho jaa.e
hanuz kushta-e-arman hain tere divane
nishat-o-dard men dekha hai main ne ‘darshan’ ko
har ek haal men shadan hain tere divane
Leave a Reply