Dattatriya Kaifi
gham-e-duniya nahin phir kaun sa gham hai ham ko
fikr-o-andesha-e-uqba se bhi ram hai ham ko
dahn-e-ghuncha se paigham-e-vafa sunte hain
ghaza-e-ariz-e-sad-hast-e-adam hai ham ko
qaul ye sach hai ki ḳhud-karda ka darman kya hai
davar-e-hashr pe nahaq ka bharam hai ham ko
agle luqmon men nahin qand-e-mukarrar ka maza
saḳht be-lutf-e-hayat-e-paiham hai ham ko
ziist ki kashmakash aur marg ki qurbat ka alam
amad-o-raft-e-nafas tegh-e-do-dam hai ham ko
baiThe baiThe jo kaTe phir tag-o-dau se hasil
har-nafas jada-e-hasti men qadam hai ham ko
zarre zarre men nazar aati hai tasvir-e-sanam
sar-ba-sar ru-kash-e-sad-dair-o-haram hai ham ko
bar-e-gham baar se ehsan ke badal jaata hai
tauq-e-gardan kashish-e-kaf-e-karam hai ham ko
hal-e-dil likhte na logon ki zaban men paḌte
vaj.h-e-angusht-numa.i ye qalam hai ham ko
aankh kya Daliye us gul pe jo kumhla jaa.e
‘kaifi’ apna hi ye dil bagh-e-iram hai ham ko
Leave a Reply