Wahid Premi
gham bhi hai kaif bhi hai soz bhi hai saaz bhi hai
ishq ik zinda haqiqat bhi hai ik raaz bhi hai
tuur ka vaqi.a phir az-sar-e-nau taaza karen
jalva-e-husn bhi hai ishq ka e.ajaz bhi hai
husn aur ishq se ghafil rahe mumkin hi nahin
naghma-e-dil men kisi ke miri avaz bhi hai
le uḌen kyuun na qafas su-e-gulistan ‘vahid’
jazba-e-shauq bhi hai quvvat-e-parvaz bhi hai
Leave a Reply