ghalat ki hijr men hasil mujhe qarar nahin
asir-e-yas huun paband-e-intizar nahin
hai un ke ahd-e-vafa se munasibat dil ko
use qayam nahin hai ise qarar nahin
yahan to zabt-e-junun par na kar mujhe majbur
faza-e-dasht hai ai aql bazm-e-yar nahin
qafas men Dalega kis kis ko aḳhir ai sayyad
asir-e-dam-e-vafa sau nahin hazar nahin
jahan men bulbul-e-bagh-e-ḳhizan-nasib huun main
miri navaon men rangini-e-bahar nahin
Leave a Reply