Poet
ghair aa.e pichhe pa ga.e mujre ka baar pahle
ham aah baiThe rah ga.e aa.e hazar pahle
main arz-e-hal us se kyuun kar karun mukarrar
koi bol bhi sake hai vaan ek baar pahle
gar jante ki aḳhir ḳhvahan-e-jan to hoga
dil dete pichhe ji ko karte nisar pahle
jaana na tha pareshan kar degi tu vagarna
ham pech men bhi aate ai zulf-e-yar pahle
maqtal men jab vo qatil tarvar le ke aaya
kahne laga huzur aa le tu hi vaar pahle
main sar jhuka ke aage pahuncha hai aur kiya arz
is se bhi kuchh hai behtar hazir huun yaar pahle
tab dekh dekh bola tarsa ke marna hai
niin marne ka tujh ko main zinhar pahle
Leave a Reply