Ghabra Kar Aflak Ki Dahshat-Gardi Se

ghabrā kar aflāk kī dahshat-gardī se

ham ne ḳhud ko toḌ diyā bedardī se

jab ḳhud ko har taur bayābāñ kar Daalā

tab jā kar baaz aa.e dasht-navardī se

ab bhī kyā kuchh kahne kī gunjā.ish hai

sab kuchh zāhir hai chehre kī zardī se

ham ik baar bhaTak kar itnā bhaTke haiñ

ab tak Darte haiñ āvāragardī se

ham bhī ishq kī pagDanDī se guzre haiñ

vāqif haiñ pech-o-ḳham kī sar-dardī se

Leave a Comment