gerve kapde badan par haath lohe ke kade
le malamat-dar suufi dar pe tere aa pade
ikhtiyarat-e-dayar-e-dahr hasil hon mujhe
mehr se sona-kashidon maah se chandi jhade
bhej de mujh ko jahan-e-hissiyat-o-lams men
shor se uljhe samaat aankh se manzar lade
surkh inton ki gali tak jaaen ham divana-var
dafatan apni nigah us ke dariche par pade
us taaffun-gah sa ik aur sayyara bhi ho
ped marte hon jahan talab men paani sade
har masiha-e-zaman ko khair-maqdam chahiye
taaj ho kanton ka sar par mekh hathon men gade
Leave a Reply