Parwez Rahmani
garm yadon ki rida sard ruton ki avaz
bhigi ankhon ki nava saat suron ki avaz
tirchhe suraj ne suni saya-darazi ki dua
aur unchi hui kotah-qadon ki avaz
tab kahin ja ke huiin phir miri jhilmil palken
reza reza hui jab shisha-garon ki avaz
mere honTon pe ḳhamoshi ka na katba likhna
ghaT ke rah ja.egi avaz-garon ki avaz
thi qabile men sahar-band nikalti kaise
da.erati hi rahi ḳhira-suron ki avaz
Leave a Reply