Poet
gareban-chak majnun ban se nikla
main le kar dhajjiyan daman se nikla
kahin jalva bhi parde men raha hai
vo dekho nuur ik chilman se nikla
junun ne raah ye achchhi nikali
gareban pahad kar daman se nikla
bahar aai chaman men khil gae phuul
koi hansta hua gulshan se nikla
ravani ashk ki hoti nahin band
ajab dariya mire daman se nikla
khizan aai madine ke chaman men
‘sharaf’ rota hua gulshan se nikla
Leave a Reply