Garche Nezon Pe Sar Hai

Abdussamad Tapish

garche nezon pe sar hai

maut to vaqt par hai

kaun patthar uthae

ye shajar be-samar hai

ghonsla zindagi ka

saans ki shakh par hai

koi dushman nahin hai

mujh ko apna hi dar hai

shak bhi kiije to kis par

vo bada mo’tabar hai

zad men andhi ke aksar

ek mera hi ghar hai

apni pahchan rakhna

bhiid har mod par hai

mere maula ‘tapish’ ko

ishq-e-khair-ul-bashar hai