Abdul Wahab Sukhan
garche batil ko na-pasand raha
naara-e-haq magar buland raha
jis ne arz-e-niyaz bhi na suni
dil usi ka niyaz-mand raha
pi liya zahr-e-talkhi-e-ayyam
phir bhi lahja hamara qand raha
be-hisi thi mire taaqub men
is liye main fasil-band raha
sar-nigun ratjagon ko hona pada
parcham-e-khvab sar-buland raha
kya mile us se ek baar ‘sukhan’
mauj men fikr ka samand raha
Leave a Reply