Gar Kijiye Insaf To Ki Zor Wafa Main

gar kijiye insaf to ki zor vafa main

khat aate hi sab chal gae ab aap hain ya main

tum jin ki sana karte ho kya baat hai un ki

lekin tuk idhar dekhiyo ai yaar bhala main

rakhta hai kuchh aisi vo barahman bacha raftar

but ho gaya dhaj dekh ke jis ki ba-khuda main

yaaro na bandhi us se kabhu shakl-e-mulaqat

milne ko to us shokh ke tarsa hi kiya main

jab main gaya us ke to use ghar men na paaya

aaya vo agar mere to dar khud na raha main

kaifiyyat-e-chashm us ki mujhe yaad hai ‘sauda’

saghar ko mire haath se liijo ki chala main

Leave a Comment