Gar Banana Hai Mohabbat Ka Koi Ghar Sahab

gar banānā hai mohabbat kā koī ghar sāhab

dastakeñ dījiye logoñ ke diloñ par sāhab

jitnī baḌhtī ga.iiñ tanhā.iyāñ jism-o-jāñ kī

gahrā hotā gayā āñkhoñ kā samundar sāhab

duur tak us ko bichhaḌte hue ham dekh sakeñ

rok lo aañsū ki dhundlā.e na manzar sāhab

shahr jaadū kā hai chalte raho bas chalte raho

muḌ ke dekhoge to ho jāoge patthar sāhab

koī paanī bharī thālī mire aage rakh de

ḳhvāhisheñ ho ga.iiñ ab chāñd barābar sāhab

Leave a Comment