Baat Karna Hai Karo Samne Itrao Nahin

Majid Ul Baqri

baat karna hai karo samne itrao nahin

jo nahin jante us baat ko samjhao nahin

main vo samjha huun bayan tum se jo hoga na kabhi

be-zarar huun mire is kashf se ghabrao nahin

is tarannum men to mafhum nahin hai koi

sher kahte ho to paḌh Daalo magar gaao nahin

band ankhon men bikhar jaate hain bajte hue rang

mujh se andhe ko koi a.ina dikhlao nahin

main ikaa.i ki tarah sab men samaya ‘majid’

baat baḌh ja.egi adad ko ginvao nahin