Poet
gar adu taqdir hai tadbir rahne dijiye
dost ka dil men hamare tiir rahne dijiye
hain jo ashiq kaam mazduron ka vo karte nahin
zimma-e-farhad ju-e-shir rahne dijiye
laila-o-majnun ki ik kaghaz pe hoti hai shabih
ru-ba-ru us ke miri tasvir rahne dijiye
hai junun fasli karo zanjir tar-e-ashk se
taur par mere miri tadbir rahne dijiye
sim-o-zar banta hai ḳhak-e-kushta-dil se aap ke
paas apne jaan kar iksir rahne dijiye
astin se haath bahar ho na ai jan-e-jahan
bas miyan andar hi ye shamshir rahne dijiye
tir-e-be-paikan nishana toḌta hai kab ‘vaqar’
munh ki munh men ah-e-be-tasir rahne dijiye
Leave a Reply