Har sans Hai Sharh-E-Nakaami Phir Ishq Ko Ruswa Kaun Kare

Dil Shahjahanpuri

har saans hai sharh-e-nakami phir ishq ko rusva kaun kare

takmil-e-vafa hai miT jaana jiine ki tamanna kaun kare

jo ghafil the hushiyar hue jo sote the bedar hue

jis qaum ki fitrat murda ho us qaum ko zinda kaun kare

har sub.h kaTi har shaam kaTi bedad sahi uftad sahi

anjam-e-mohabbat jab ye hai is jins ka sauda kaun kare

hairan hain nigahen dil be-ḳhud mahjub hai husn-e-be-parva

ab arz-e-tamanna kis se ho ab arz-e-tamanna kaun kare

fitrat hai azal se pabandi kuchh qadr nahin azadi ki

nazron men hain dilkash zanjiren ruḳh janib-e-sahra kaun kare