Allama Iqbal
fitrat ne na bakhsha mujhe andesha-e-chalak
rakhti hai magar taqat-e-parvaz miri khaak
vo khaak ki hai jis ka junun saiqal-e-idrak
vo khaak ki jibril ki hai jis se qaba chaak
vo khaak ki parva-e-nasheman nahin rakhti
chunti nahin pahna-e-chaman se khas o khashak
is khaak ko allah ne bakhshe hain vo aansu
karti hai chamak jin ki sitaron ko araq-nak
Leave a Reply