firozi tasbih ka ghera haath men jalva-afgan tha
naranji sham.on se hujra khair ki shab men raushan tha
rah-ravon ne dasht-e-safar men har ummid sanvari thi
ranj ki raah pe chalne valon ka har khvab muzayyan tha
raat hui hai khema to naaqe se utara jaega
diip kahan rakkha hai jis men kuchh zaitun ka roghan tha
rangon ki ye qaab ulat de tasviron par maati lep
khoj jo sone ke sikkon ka ik goshe men bartan tha
chiin men sunte hain shayad ab aina ijad hua
varna ik talab hi apni araish ka darpan tha
matam ki avaz uthai zanjiron ke halqon ne
haath bandhe the gardan se par girya sham-ta-madyan tha
Leave a Reply