Faza Ki Hath Mein Rakh Kar uDan Ki KHushbu

Fani Jodhpuri

faza ki haath men rakh kar uḌaan ki ḳhushbu

badan pe le ki main utra thakan ki ḳhushbu

main mal raha huun bahut der se zamin lekin

paron se jaati nahin asman ki ḳhushbu

udhar ubuur kiya pichhli azma.ish ko

udhar se aa.i na.e imtihan ki ḳhushbu

ujaḌne vaali hai sabze ki saltanat saari

zamin ugalne lagi hai makan ki ḳhushbu

ḳhudara ghol de ‘fani’ ko aisa ghazlon men

nadi men ghulti hai jaise chaTan ki ḳhushbu