poet

Fasl-E-Gul Mein Jo Koi Shakh-E-Sanobar Tode

fasl-e-gul men jo koi shakh-e-sanobar tode

baghban ghaib ka us ka vahin phir sar tode

dast-e-sayyad men kahti thi ye kal bulbul-e-zar

kya rihai ka maza hai jo mire par tode

khaak bhi khuun ki ja nikli na yahan ai pyare

be-sabab haae ye faza duun ne nishtar tode

vasl ke tishna-labon ko na ho mayusi kyuun

daur par un ke falak haae jo saghar tode

mere dilbar ko mila de jo koi mujh se ‘surur’

abhi deta huun zar-e-surkh ke sattar tode

More Poems

Leave a Comment