Shakeel Badayuni
fareb-e-mohabbat se ghafil nahin huun
jo mast-e-junun ho vo dil nahin huun
unhen azm-e-tark-e-taalluq mubarak
main un ke iradon men haail nahin huun
tiri bazm se hai bas itna taalluq
ki shamil bhi huun aur shamil nahin huun
qaum aur aghyar ke mashvaron se
main aisi inayat ka qaail nahin huun
sambhal kar zara ai mohabbat ki kashti
main tufan hi tufan huun sahil nahin huun
mira soz-e-hasti hai dur-az nadamat
main parvana huun sham-e-mahfil nahin huun
Leave a Reply