faqat qayam ka matlab guzar-basar koi hai
main rah raha huun jahan par, vo mera ghar koi hai
javan lau pe na jaa, nau-damida zau pe na ja
charagh-e-va.ada hai, jalta ye umr bhar koi hai
vo paas baiTh bhi jaa.e to kya kahun us se
jo dastan sunani hai, muḳhtasar koi hai
kahin se shauq-e-tamasha men aa gaya hoga
jo dil ko dekhne aaya hai, chara-gar koi hai
jo kaT rahi hai tiri chashm-e-be-nihayat men
rah-e-hayat hai sari, rah-e-safar koi hai
Leave a Reply