fan asl men pinhan hai dil-e-zar ke andar
fankar hai ik aur bhi fankar ke andar
kanTon pe bichhata hai gulabon ka bichhauna
do rang hain ik saath mire yaar ke andar
vo shor tha mahfil men koi sun nahin paaya
ik chiḳh thi pazeb ki jhankar ke andar
tum sach ki zinat the mujhe dekhte kaise
main bhi tha na.i sub.h ke aḳhbar ke andar
‘asrar’ mujhe dil ne ye kal raat bataya
sho.ala huun bulandi ka main ik ḳhaar ke andar
Leave a Reply