na iḳhlas-e-kamil na be-dad puuri
vafa bhi adhuri jafa bhi adhuri
vahi ham vahi tum vahi ranj-e-duri
mohabbat men kya fasla hai zaruri
ba-in rabt-e-baham ba-in zabt-e-paiham
vahi na-shakebi vahi na-suburi
mohabbat ki duniya mohabbat sarapa
yahan koi ḳhaki na naari na nuuri
ye sab mantiq-o-falsafa be-haqiqat
abhi tak vahi aql ki be-shu.uri
ḳhudi ko ḳhudi koi jaane na jaane
ḳhuda ko ḳhuda manna hai zaruri
Leave a Reply