Habeeb Ahmad Siddiqui
faiz pahunche hain jo baharon se
puchhte kya ho dil-nigaron se
ashiyan to jala magar ham ko
khelna aa gaya shararon se
kya hua ye ki ḳhuun men Duubi hui
lapTen aati hain lala-zaron se
un men hote hain qafile pinhan
dil-shikasta na ho ghubaron se
hai yahan koi hausle vaala
kuchh payam aa.e hain sitaron se
ham se mehr-o-vafa ki baat karo
hosh ki baat hoshyaron se
ku-e-janan ho dair ho ki haram
kab mafar hai yahan saharon se
Leave a Reply