Habib Jalib
‘faiz’ aur ‘faiz’ ka gham bhulne vaala hai kahin
maut ye tera sitam bhulne vaala hai kahin
ham se jis vaqt ne vo shah-e-suḳhan chhin liya
ham ko vo vaqt-e-alam bhulne vaala hai kahin
tire ashk aur bhi chamka.engi yaden us ki
ham ko vo dida-e-nam bhulne vaala hai kahin
kabhi zindan men kabhi duur vatan se ai dost
jo kiya us ne raqam bhulne vaala hai kahin
aḳhiri baar use dekh na paa.e ‘jalib’
ye muqaddar ka sitam bhulne vaala hai kahin
Leave a Reply