Faisle Wo Na Jaane Kaise The

Farooq Engineer

faisle vo na jaane kaise the

raat ki raat ghar se nikle the

yaad aate hain ab bhi rah rah kar

shahr men kuchh to aise chehre the

kya zamana tha vo ki ham donon

ek-duje ka dukh samajhte the

kis kaḌi dhuup ke safar men hain

naam peḌon pe jin ke likkhe the

jaane kis gul-badan ki yaad aa.i

fasl-e-gul men udaas baiThe the

vaqt sa charagar bhi haar gaya

hijraton ke to zaḳhm aise the

pahli barish hi le ga.i ‘faruq’

rang saare ke saare kachche the