Talib Baghpati
ik yadgar chahiye koi nishan rahe
turbat miri rahe na rahe asman rahe
kyuun dud-e-ah nim-shabi ra.egan rahe
ik aur asman na ta-asman rahe
koson nishan-e-manzil-e-ulfat nikal ga.e
ham mahv-e-naghma-e-jaras-karvan rahe
dil intiha-pasand hai shauq-e-jaga nahin
vo mehrban rahe to bahut mehrban rahe
joru-o-jafa-e-daur-e-falak hain ba-qadr-e-ishq
ab jis qadar kisi pe koi mehrban rahe
al-muḳhtasar hayat taḌapne ka naam hai
pahlu men dil rahe ki ḳhayal-e-butan rahe
soz-e-fughan ne aah qafas bhi jala diya
ab adi-e-quyud batao kahan rahe
rangini-e-jamal fareb-e-ḳhayal hai
‘talib’ vagarna dil men tamanna kahan rahe
Leave a Reply