Dr Naresh
ik vo hain ki va.ada koi iifa nahin karte
ik ham hain ki us ka koi shikva nahin karte
un ka to hai dastur bhula dete hain sab ko
ham un ko kisi haal men bhula nahin karte
ro ro ke shab-o-roz tire hijr men ai dost
ham apni mohabbat ka tamasha nahin karte
tum jin ki nigahon men sama jaate ho phir vo
duniya ki kisi shai ki tamanna nahin karte
agah-e-rah-o-rasm-e-mohabbat hain jo ashiq
vo ḳhud ko fughan se kabhi rusva nahin karte
hai un ki ḳhushi men hi ‘naresh’ apni masarrat
ham apne gham-o-dard ki parva nahin karte
Leave a Reply