ik vahshat si dar aa.i hai ankhon men
apni surat dhundla.i hai ankhon men
aaj chaman ka haal na puchho ham-nafaso
aaj ḳhizan ki rut aa.i hai ankhon men
barson pahle jis dariya men utra tha
ab tak us ki gahra.i hai ankhon men
in baton par mat jaana jo aam huiin
dekho kitni sachcha.i hai ankhon men
in men ab bhi harf-e-mohabbat basta hai
isi liye to gahra.i hai ankhon men
haath pakaḌ kar jis ka chalna sikha hai
us ke naam ki bina.i hai ankhon men
dhuup ‘azim’ ab phaili hai jo shiddat se
to saa.e ki ra.ana.i hai ankhon men
Leave a Reply