Sufi
ik umr se jis ko liye phirta huun nazar men
vo ruup hai suraj men na vo rang sahar men
chalti hain havaen to baras jaati hain ankhen
chhae hain tiri yaad ke badal mire ghar men
hairan hue jaate hain mujhe dekhne vaale
aina muallaq hai mire dida-e-tar men
ik chand ko chhune ki tamanna men huun pagal
badal sa uda jaata huun khvabon ke safar men
moti miri ankhon ne luta daale hain ‘fakhir’
khush-rang koi phuul khila jab bhi jigar men
Leave a Reply