Ek TuTi Hui Zanjir Ki Fariyaad Hain Hum

ek TuuTī huī zanjīr kī fariyād haiñ ham

aur duniyā ye samajhtī hai ki āzād haiñ ham

kyuuñ hameñ log samajhte haiñ yahāñ pardesī

ek muddat se isī shahr meñ ābād haiñ ham

kaahe kā tark-e-vatan kaahe kī hijrat baabā

isī dhartī kī isī desh kī aulād haiñ ham

ham bhī ta.amīr-e-vatan meñ haiñ barābar ke sharīk

dar-o-dīvār agar tum ho to buniyād haiñ ham

ham ko is daur-e-taraqqī ne diyā kyā ‘me.arāj’

kal bhī barbād the aur aaj bhī barbād haiñ ham

Leave a Comment