ik saza aur asiron ko suna di jaa.e
ya.ani ab jurm-e-asiri ki saza di jaa.e
dast-e-nadida ki tahqiq zaruri hai magar
pahle jo aag lagi hai vo bujha di jaa.e
us ki ḳhvahish hai ki ab log na ro.en na hansen
be-hisi vaqt ki avaz bana di jaa.e
sirf suraj ka nikalna hai agar sub.h to phir
ek shab aur miri shab se mila di jaa.e
aur ik taaza sitam us ne kiya hai ijad
us ko is baar zara khul ke dua di jaa.e
Leave a Reply