abdul-hamid-adam

Ek Na-Maqbul Qurbani Hun Main

ek na-maqbul qurbani huun main

sar-phiri ulfat men la-sani huun main

main chala jaata huun vaan taklif se

vo samajhte hain ki la-sani huun main

kaan dharte hi nahin vo baat par

kab se masruf-e-sana-khvani huun main

zindagi hai ik kirae ki khushi

sukhte talab ka paani huun main

mujh se badh kar kya koi hoga amiir

qimti virse ki arzani huun main

chandni raton men yaron ke baghair

chandni raton ki virani huun main

kahna sunna un se mujh ko kuchh nahin

sirf ik tamhid-e-tulani huun main

mujh ko pachhtana nahin aata ‘adam’

ek daulat-mand nadani huun main

More Poems

Leave a Comment