likha hai dil-zadon ka barsar-e-paikar ho jaana
aur un ka ḳhud-kushi karne pe bhi tayyar ho jaana
satiza-kari-e-ruh-o-badan se kijiye mumkin
bhaḌakte sho.ala-ha-e-jaur ka gul-mar ho jaana
naqab-e-ruḳh uTha.i kis liye itna to farma den
agar taqdir men hai kushta-e-didar ho jaana
nashat-e-be-panah-e-ashiqi hai mast-kami se
kisi ka manzil-e-irfan pe pur-asrar ho jaana
bikhar ja.unga ik lamhe men teri talḳh-kami se
nahin asan miri yakja.i phir ik baar ho jaana
hai yurish tirgi ki shaam se lekin ghanimat hai
shab-e-tanha.i ka aḳhir sahar-asar ho jaana
kaḌakti dhuup ke sannaTe jab hon maujzan ‘rahi’
ghanimat hai bahut sahra-e-jan ka paar ho jaana
Leave a Reply