Rizwan Haider
ik musibat ye hai ke dil mira barham bhi hai
aur is dil men tiri yaad ka matam bhi hai
faisla aap ko karna hai ki kya chunna hai
daman-e-vaqt men aansu bhi hain marham bhi hai
mujh se milne ki ḳhushi mujh ko bahut hai lekin
ik taraf tum se bichhaḌne ka mujhe gham bhi hai
sard hai raat december ka mahina aur main
aur is par ye tire hijr ka mausam bhi hai
ruup aurat ke bahut hain kise malum nahin
hai kahin hinda bani aur kahin mariyam bhi hai
ek main hi nahin nikla huun tumhare dil se
ham sa ik ḳhuld se nikla hua aadam bhi hai
kaise samjhe koi chehre ke ta.assur se tujhe
lab pe muskan bhi hai aankh men shabnam bhi hai
tu akela to nahin ishq ke hathon barbad
jaisa tera vahi ‘rizvan’ ka aalam bhi hai
Leave a Reply