Ek Muddat Se Use Dekha Nahin

ek muddat se use dekha nahin

ab magar kajal mira bahta nahin

ik maraz men mubtala hai dil mira

kya maraz hai ye pata chalta nahin

dosti jab se hui taabir se

khvab pichha hi mira karta nahin

ji nahin sakta hai vo mere bina

is qadar vishvas bhi achchha nahin

duur se avaz deta hai koi

aur mere samne rasta nahin

saare mausam ek jaise ho gae

ab ye dil hansta nahin rota nahin

diary par aankh se tapka hai kuchh

main ne koi sher to likkha nahin

Leave a Comment