ek mausam hai tiri yaad ka kho jaane de
dhuup ke paanv thake hain zara so jaane de
tark-e-ulfat se kiya main ne safar ka aghaz
raste dasht men kho jaa.en to kho jaane de
jhiil men aks vahi hai jo nazar aata hai
aankh pur-nam ho sar-e-bazm to ho jaane de
shaam le aa.i hai phir shahr ke kuchon se pare
dil ki viraniyan vahshat men samo jaane de
dur-andesh hai divangi dil ki janam
naam rusva ho tire saath to ho jaane de
raat ne hijr ki tamhid likhi hai dil par
chehra-e-ḳhvab ko ashkon men Dubo jaane de
Leave a Reply