Muneer Niyazi
ik masafat paanv shal karti hui si khvab men
ik safar gahra musalsal zardi-e-mahtab men
tez hai bu-e-shagufa haae marg-e-na-gahan
ghir gai khak-e-zamin jaise hisar-e-ab men
hasil-e-johd-e-musalsal mustaqil azurdagi
kaam karta huun hava men justuju nayab men
tang karti hai makan men khvahish-e-sair-e-basit
hai asar daaim falak ka sahn ki mehrab men
ai ‘munir’ ab is qadar khamoshiyan ye kya hua
ye sifat aai kahan se para-e-simab men
Leave a Reply