ek kiran bas raushniyon men sharik nahin hoti
dil ke bujhne se duniya tarik nahin hoti
jaise apne haath uTha kar ghaTa ko chhu lunga
lagta hai ye zulf magar nazdik nahin hoti
tera badan talvar sahi kis ko hai jaan aziiz
ab aisi bhi dhaar us ki barik nahin hoti
sher to mujh se teri ankhen kahla leti hain
chup rahta huun main jab tak tahrik nahin hoti
dil ko sambhale hansta bolta rahta huun lekin
sach puchho to ‘zeb’ tabi.at Thiik nahin hoti
Leave a Reply