ahmad-javed

Ek Khayal

tarikh ke bune hue thailon men hamesha

koi be-had aham chiiz rah jaati hai

be-shak havaen azim-tarin sannaa hain

un kharabon ki jo naqsh hain be-rangi ke saath

ek pur-asrar ghair-maruf andhere ki dabiz divaron par

lekin ankhen

aise pechida manzar ko

sehhat aur saqahat ke saath

naql nahin kar saktin

khvah binai ki kisi bhi qabil se

ilaqa rakhti hon

ab bilkul naya tanazur zaruri hai

is na-didani se ohda-bara hone ke liye

varna dekhna ek ahmaqana tasavvur hai jise

bas ankhen hi manti hain

More Poems

Leave a Comment