Tumhaare Hijr Ki Tafsir Ho Gae Hum Log

Ammar Yasir Migsi

tumhare hijr ki tafsir ho ga.e ham log

jo miT na paa.e to tahrir ho ga.e ham log

vo jis ne ham ko tasalli se pa.emal kiya

usi ke paanv ki zanjir ho ga.e ham log

tumhen jo socha to rashk aaya zindagi pe hamen

tumhen jo dekha to tasvir ho ga.e ham log

hamare ḳhvab ki ta.abir mil na paa.i to phir

tumhare ḳhvab ki ta.abir ho ga.e ham log

jab apne aap men ḳhubi koi dikha.i na di

to apne aibon ki tash.hir ho ga.e ham log