Tumhaare Hijr Ki Tafsir Ho Gae Hum Log

tumhāre hijr kī tafsīr ho ga.e ham log

jo miT na paa.e to tahrīr ho ga.e ham log

vo jis ne ham ko tasallī se pā.emāl kiyā

usī ke paañv kī zanjīr ho ga.e ham log

tumheñ jo sochā to rashk aayā zindagī pe hameñ

tumheñ jo dekhā to tasvīr ho ga.e ham log

hamāre ḳhvāb kī ta.abīr mil na paa.ī to phir

tumhāre ḳhvāb kī ta.abīr ho ga.e ham log

jab apne aap meñ ḳhūbī koī dikhā.ī na dī

to apne aiboñ kī tash.hīr ho ga.e ham log

Leave a Comment