poet

Ek Khalq Jo Har Samt Se Aai Tere Dar Par

ik khalq jo har samt se aai tire dar par

aaya nazar-andaz khudai tire dar par

thi jis ki tamanna dil-e-mushtaq ko har dam

vo chiiz agar paai to paai tire dar par

ushshaq ke aage na lada ghairon se ankhen

Dar hai ki na ho jaae ladai tire dar par

dekhi jo yahan aa ke jhadi abr-e-karam ki

sab dil ki lagi ham ne bujhai tire dar par

is nafas hi kam-bakht ne roka tha ‘sharaf’ ko

dushvar na thi varna rasai tire dar par

More Poems

Leave a Comment