Sufi

Ek Khalish Ko Hasil-e-Umr-e-Rawan Rahne Diya

ik khalish ko hasil-e-umr-e-ravan rahne diya

jaan kar ham ne unhen na-mehrban rahne diya

arzu-e-qurb bhi bakhshi dilon ko ishq ne

fasla bhi mere un ke darmiyan rahne diya

kitni divaron ke saae haath phailate rahe

ishq ne lekin hamen be-khanuman rahne diya

apne apne hausle apni talab ki baat hai

chun liya ham ne tumhen saara jahan rahne diya

kaun is tarz-e-jafa-e-asman ki daad de

baagh saara phunk Daala ashiyan rahne diya

ye bhi kya jiine men jiina hai baghair un ke ‘adib’

shama gul kar di gai baaqi dhuan rahne diya

More Poems

Leave a Comment