Poet
ek jalve ki havas vo dam-e-rehlat bhi nahin
kuchh mohabbat nahin zalim to muravvat bhi nahin
us ke kuche men kahan kashmakash bim-o-raja
khauf-e-dozakh bhi nahin khvahish-e-jannat bhi nahin
zauq-e-masti ki mazammat na kar itni ai shaikh
kya tujhe nashsha-e-zauq-e-mai-e-ulfat bhi nahin
be-niyazi bhi utha luun main tire naaz ki tarah
kya vo taqat na rahi mujh men to himmat bhi nahin
kis tarah kahiye ki didar dikhaya us ne
bagh-e-jannat bhi nahin roz-e-qayamat bhi nahin
zohd-o-taqva o islah-e-dar-husn-e-amal
kuchh nahin mujh men magar kya tiri rahmat bhi nahin
jazb-e-kamil se use khinch lo ai hazrat-e-dil
kaise darvesh ho kuchh tum men karamat bhi nahin
kabhi ‘asi’ se ham-aghosh na dekha tujh ko
asar-e-jazba-e-dil ahl-e-mohabbat bhi nahin
Leave a Reply