ek hi avaz par vapas palat aenge log
tujh ko phir apne gharon men dhundne jaenge log
dubte suraj ki surat mera chehra dekh lo
phir kahan bab-e-maani dhundne jaenge log
mat kaho qismat hai apni be-dili naguftani
phir sahar hogi darakhshan phir bhale aenge log
pal jhapakne tak hai ye hangama-e-varaftagi
jab nazar se duur hoge bhulte jaenge log
phir nai khvahish ke zarron se banaenge nagar
phir nai rasm-e-talab rasm-e-vafa laenge log
munhasir rangon ki atish par nahin hai dilkashi
maile kapdon men bhi tujh ko dekhne aenge log
Leave a Reply