Poet
ek ik se yahi kahta huun bata main kya huun
ek muddat hui main bhuul gaya main kya huun
naqsh-bar-ab sahi aap bana aap miTa
ab talak hilti hai zanjir-e-sada main kya huun
apni pahna.i men gum-karda nishan huun main bhi
tu agar hai isi duniya ka ḳhuda main kya huun
ek tariḳh-e-viladat hai miri ek vafat
in haqa.eq ke siva aur bata main kya huun
ab kahan DhunDhne jaoge mujhe ai logo
ho chuka ḳhaak ga.i le ke hava main kya huun
Leave a Reply